O‘zbekiston Respublikasi Prezidentining davlat stipendiyasi
Tavsif
Prezident stipendiyasi O‘zbekiston Respublikasidagi davlat, nodavlat va xorijiy oliy taʼlim muassasalari, shu jumladan qo‘shma taʼlim dasturlarida butun o‘qishi davomida faqat a’lo baholarga o‘qigan O‘zbekiston fuqarosi bo‘lgan oxirgi kurs talabalariga tayinlanadi. Har bir oliy taʼlim muassasasining bakalavriat bosqichidagi bir nafar bitiruvchi kurs talabasiga beriladi. Tanlov Oliy taʼlim, fan va innovatsiyalar vazirligi tomonidan o‘tkaziladi. Stipendiya 1-sentabrdan boshlab, bir o‘quv yili uchun belgilangan miqdorda to‘lanadi. Prezident stipendiyasi sohibi bo‘lgan talabalar bakalavriatni tugatgandan so‘ng ikki yil mobaynida tegishli mutaxassislik bo‘yicha magistraturaga kirish imtihonlarisiz qo‘shimcha davlat granti asosida o‘qishga qabul qilinadilar.
Stipendiya talablari
- Kunduzgi taʼlim shakli
- Bitiruvchi kurs
- Butun o‘qish davrida barcha fanlardan a’lo baholar
- Nomli stipendiyalar uchun belgilangan barcha talablar (a’lo o‘qish, ilmiy/ijodiy ishlarda ishtirok etish, konferensiyalarda qatnashish, O‘zbekiston tarixini bilish, davlat tili va bir xorijiy tilni bilish)
- Qo‘shimcha: o‘qiyotgan bakalavriat taʼlim yo‘nalishiga mos mavzuda kamida ikkita e’lon qilingan ish (maqola, tezis yoki asar)
- 3x4 shakl (barcha stipendiyalar uchun majburiy)
- Ma'lumotnoma (barcha stipendiyalar uchun majburiy)
Rasmiy grantlar ariza uchun pul so'ramaydi. «Kafolatlangan grant» va'da qilib to'lov so'raganlardan ehtiyot bo'ling. Bridgin hech qachon pul so'ramaydi.
Ariza qabul qilish yakunlangan
Bu stipendiyaga arizalar 15-avgust, 2026 gacha qabul qilingan. Bunday grantlar odatda har yili qayta e'lon qilinadi — talablar bilan tanishib, hujjatlaringizni oldindan tayyorlab qo'ying.
Ochiq stipendiyalarni ko'rishYangi grantlar — Telegram kanaldaHujjatlarni tayyorlash